المال بيجر المال،و المال بهالبلد بيجيب سلطة،لأنو في ناس بهالبلد بيعبدو المال بدل عبادة الله،في ناس سعرن "كم لفِّة معكروني و علبة سمنة و كم كيلو عدس و رز و قنينة زيت نباتي."و في ناس سعرن فاتورة دوا وغيرن سعرو كم كتاب و كم دفتر و غيرن سعرن نقدي إلى آخر هالمعزوفي.منين عم يجي هالمال؟ولو؟من سنة 1992 وسلطة المال محتكرة كل شي بهالدولي،متل كأنها مالية طرف واحد أو طائفي واحدي أو حزب واحد،هيدي "ثورة الأرز،بالحكم من ال 2005،شو عملو للناس؟مش عيب بعد أربع سنين حكم يضل الشعب بحاجي لأموال الرشوي؟إذا كنتو مرتاحين أنتخابياً و ضميركن مرتاح وطنياً و أنتو سياديين و ديمقراطيين و جماعة هم تناضلو للتغيير،ليش جماعتكن بعدن بينطرو رشاويكن من أموال و صناديق كرتون ملياني؟ عيب وبعدان! ليش شخص متل سعد الدين الحريري أموالو ورثها من المرحوم بيّو اللي كدّسا من استثمارو لكل شي بهالبلد،ليش ما بيجي وبيحط هالرشاوى اللي عم بيرشّها هون و هون بصندوق الدولي،كمساعدات لكل الشعب اللبناني؟ما هالأموال اللي عم بيرشرشا شمال و يمين،و عم بيحارب فيها الضمير هيدي جايي من هالشعب اللي بليوه بخمسين مليار دولار دين؟كفى بقى إهاني لفقر و حاجة الناس،اعملو مدرسي رسميي متل الخلق و اعملو طبابي متل الخلق و اعملو ضمانات متل البشر اعملو دولي متل الخلق،ساعتها ما بيعود شعبنا بحاجي إلكم و لغيركم،بس عاملين دكان مش دولي وبدكن تتمقطعو من الشعب؟بدكن تضلّو محتللّينو؟و محتللّين دولتو،و مسيطرين عا قرارو،تا تضلو تسرقووتنهبو؟شيلو أيدكن بقى عن الدولي،و شيلو أموالكن من سوق البيع و الشراء،بكرا بدكن تحملو لقب نايب؟بالمصاري؟بالرشوي،بالتزلّم لهالدولي وهالدولي؟بلا أموالكن أنتو ماشي، طبول فارغة،وأسماء متل غير أسماء.فيا هالناس اللي عم تنخّو وتزخّو،انتو ناس،انتو بشر،مش غنم و بقر وماعز،بسوق البازار،انتو بشر بعقول مش بقر بقرون،انتو رايحين تنتخبو تا تظبّطو بلدكن لولدكن،مش رايحين تحطّو رقابيكن تحت سكاكين هالجزّارين اللي حا تحمّلوهن أسماء نواب...بكرا بتعملوهن نواب بيوم واحد،و هني بيركبو عا ضهركن أربع سنوات، إما كونوا بشر بيوم واحد وتا يظبط البلد،و إلا حا تضلّوحا حا حا...