الأنكى من كل شي هوي أنو بيسمّوه حكيم،و هوي بّيو مش دافع عنو قرش مبخوش بكلية الطب،و بيقولولو دكتور،و استحليت شي دكتور يرفع صوتو و يتِّهمو بأنو منتحل صفة،أيّ حكمة بيتمتّع فيها،تا نطنِّش عن الإساءة للقب؟أيّ عملية عملها تا نقول إنو دكتور،طبعاً باستثناء عمليات إهدن و الجبل وشرق صيدا؟،هيدا رجل ما عندو هدف إلاّ يكون ماسك الأرض، والمرافق تحت أيديه،تا يفلت زعرانو عالناس،يرهبن ويرعبن،ويهجِّرن و يعتِّرن ويدفِّعن خوّات،هيدا زلمي بيريد يعمل بلبنان متل ما كانت عاملي طالبان بأفغانستان،كل شي بدّو يكون عا ذوقو،من الأكل للملبس للتصرف،للتفكير،و حتى الأنسان يضل حي،مفروض يدفع الأتاوي،ويضل خايف من الملاّ سمير،و حتى المواطن يقدر يعيش ،مفروض عليه يضل صبح و مسا يمجِّد و يسبِّح بأسم الملاّ سمير،و هيدا الملاّ،وحدو بيحدِّد العدو، و الصديق،و هوّي وحدو بيحدِّد القانون و العدالي،هوّي الحاكم و هوي الحكم.هيدا هوي مشروعو للبنان ،حكم قراقوش،أو علي بابا و الأربعين لص..هيدا هوي حليف حسني مبارك رئيس مصر أم الدنيا،و هيدا هوي حليف خادم الحرمين، و هيدا هوي حليف بوش،هيدا آخر اختراع سياسي لثوّار الأرز،لابل هيدا آخر خرطوشة لتنفيذ مؤامرة التوطين و التقسيم أو الفدرلة،يا بينجح الملاّسمير يا بتروح على هالحلفا الكبار المميزين..و ليك ملا آخرة،وليد جنبلاط و جماعة أبو عمّار والحركة الوطنية،والمعمّر صاحب ثورة الفاتح،خرّبوا لبنان تا يعطوا المسيحيين الهويي العربيي،قتلونا،هجّرونا،تا نكون عرب، وهلكونا من كتر ما تهمونا بالعمالي لأسرائيل،و ليكو آخرة العروبي:،شرّابي بخرج جعجع...فهنيئاً للعرب و العروبي،بهالبطل المناضل اللي رح يرد فلسطين لأهلا،ويردّ عزّة الأقصى..و إذا نجح،لازم يعطوه الصومال لأنو بيحب الصومالي،و بلكي بيعلّمن العربي و العروبي،وينك يا صلاح الدين؟؟؟