إذا حدا منكن قري خبر بجريدة إنو ميشال المر عم يفتِّس عن ناس يفوتومعو بليستة انتخابيي بالمتن تا يهزم الجنرال،بتصدّقو؟أكيد وطبعاّ لأنو هيدا رجل مصالح سياسيي مش رجل تغيير و أصلاح،و هيدا هوي بذاتو ما بيتصلّح،لو هوي حب يصلِّح حالو،ما بيزبط،لأنو مصلحجي،و هوي ما عندو هم إلا يضل فاتح بيت ميشال المر بالسياسي،و لو تسكّرت بيوت كل الناس.كمان ،مثلاً أمين الجميل صاير بيشتغل مخبر دولي إقليمي ،ضد حزب الله، و كل مرّة بيكون عندو شي حدا من برّا،بيفقعنا قدّامو خبريي أمنية،مفبركي عالطلب وبيروح هالزائر الأمني الكبير من عندو، وبيراسو إنو عم يتعاطى مع لقطة أمنية كبيري و معتبرة، و فجأةً بتطلع الإخباريي كاذبي، وتجليطة،و هيك بيكون الرأس المريض بيّضا مع الزائر و سوّد وجو مع ولاد بلدو،لأن كان في يمسك التليفون و يحكي مع أيّ مسؤول بحزب الله أو مع القوى الأمنية اللي انتقدها علناً و على التلفزيون،هيدا المخبر الفارغة جعبتو من المعلومات الصحيحة كمان هوي رئيس جمهوريي سابق،ورئيس حزب كبير،و كمان إنو "عضو"بقرنة شهوان،و"عضو"ب14 شباط و إبن عيلي،عم بيبيع معلومات كاذبي للمصاروي اللي بيعرفو قماشتو الوطنيي جيداً،تا يضل باب بيتو و بيت الحزب مفتوحين.كمان الشيخ بطرس حرب،جمع عيلتو بتنورين و قعد يفوِّتهن يقساطل المي، يفوتهن ببئر و يطلِّعهن من قسطر،و لهلق ما عرفنا شو دخّل جورج بكاسيني بقساطر تنورين؟كل القصة إنو الشيخ بطرس بدو يضل فاتح باب بيتو السياسي و لوعن طريق قسطر، و في كتير عا هالنمط بلبنان، و كلن متفقين إنو بدن يشلحو الجنرال شعبيتو،ومفكرين شعبية الجنرال إنا شعبية القسطر أو صندوق الموني أو شعبية "يا زلع سلّم عالبلع"متل عند المر وغيرو...الله ينوِّر عقول شعبيتكم يا إقطاعيي القرن العشرين،طمنو بالكم :رح نبقى هون،مهما العالم قالو ما منترك عون....ولامنرضى بدالو....