الشيخ أمين و سمير جعجع، بدّن يغصبو الجيش على عدم تكذيب اللي قالو أمّوني و أعاد تأكيدو سمّورة،يعني كانت مديرية التوجيه لازم تنطر تا يروح نائب رئيس المخابرات المصرية عا بلادو،و الشباب شلحو هلخبريي ،تا يعكّرو على زيارة الوفد المصري للرابية،و هيدي هيي كل القصة و من هون خلقت الكذبي براس الرأس المريض،و رأس شريكو اللدود بالكذبي.فلمّا كذّب الجيش الخبر طارت ضبانات عقلو للشيخ الفريخ،فذكّر الجيش بحادثة سجد،وذكّرو بكذبة صنّين،و هيك سألوه الناس شو خصّ هيدي بهيدي،و مين مكلّف فخامتك تفتح ملفّات عدلية بعدا تحت التحقيق،و بعدان اللي ارتكب حادثة سجد صار بيأيد القضاء وخلص الموضوع هون،و القضاء هوي اللي لازم يعطيك أجوبة مش الجيش يا رئيس الكتائب و يا قائد القوات،ملاحظين إنو التنين مترأسين أحزاب أسماءها عسكريي ميليشيويي؟بعدهن بيحنّو لأيام الكاكي و ترهيب الناس .فالوفد المصري جايي يشوف كل الناس بهالبلد و كل اللي عم بيزورون عم بيأكدو على دور مصر العربي و على شكر هالدولي لدعم لبنان ونقطة عالسطر،إلا الشيخ أمين حب يتشاطر و يضيف عا أجندة "القناّوي" كم خبريي،امنيي تا ينال "بون بوان"من الرئيس مبارك.الشباب صدّقو إنو مصر بعد ما استقبلتهن،صارت حليفتهن،و رح تتخلّى كرمال عيونهن عن إسرائيل و السعوديي و أميركا.جماعة ما عندن هم سوى البيع وتقطيش القرّيعة و مين ما مرق يمرق و مين ماسحسح يسحسح،المهم تسلم "القرّيعة